منتدى شباب جبل النار

منتدى شباب وصبايا جبل النار(نابلس)
 
الرئيسيةالبوابةاليوميةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 ليلى والذئب باللهجة النابلسية

اذهب الى الأسفل 
كاتب الموضوعرسالة
Admin
Admin
avatar

ذكر
عدد الرسائل : 45
العمر : 28
تاريخ التسجيل : 03/06/2007

مُساهمةموضوع: ليلى والذئب باللهجة النابلسية   الأحد يونيو 03, 2007 10:11 am

كانت ليلى ماشية بالغابة بنص الليل ورايحة لعند كانت ليلى ماشية بالغابة بنص الليل ورايحة لعند نانتها مثل في كل الحكايات ! والذئب (المسكين) وقفها ل ليلى وسألها لوين رايحة يا ليلى ؟ !
وردت عليه ليلى : وانت شو دخلك ولاك بهيم ... شو بتعمل هون بنصاص الليالي ؟؟؟ وليش بتسألني لوين رايحة ؟؟ ول عليك يا حيوان .... ان شاء الله بتخبطك سيارة بلا نمرة وبلا شوفير يا رزيل يا مبهدل يا قليل الحيا كنو ما عندك خوات ... صحيح قليل حس ووقح ...... تفو عليك ومسكت ليلى الذئب من ادنو وشلفتو شي 7 متار وتابعت المسير لعند نانتها!!!

هون ... الذئب لقاها كبيرة كتير بحقو وقال لحالو: هلق بنت فصعونة ما بتطلع بطول اجري تشرشحني هيك بوسط الغابة ق! دام الحيوانات الرايحة والجاية واللي بيسوى واللي ما بيسوى ... وانا الذئب اضرب واطرح ..طيب يا ليلى.. راح الذئب اخد تكسي وطيران على بيت نانتها ل ليلى مشان يصل قبلا ..
دق الجرس .. فقامت سألت العجوز اللي ورا الباب : منو هاي اللي على الباب ؟؟

جاوب الذئب : انا ليلى .. افتحيلي نانا وأول ما فتحتلو الباب اطلع فيها بنظرة شريرة من طرف عينو وقلا: يبلاكي بكتلة شو هبلة مين ما قلك انا ليلى بتفتحيلو .... ولك كيف بقولوا عنك ذكية وحربوقة ؟؟ (تسائل الذئب) .
وركد وراها من غرفة لغرفة من غرفة لغرفة وهي عم بتصيح وتولول .. وكل ما تيجي بدها تفتح تمها لتحكي يلطشها الذئب بهداك الكف على بوزا ... وعمى قمارها ... وبالاخير حصرها بزاوية الاوضة وقلها : بكفي تبعقي ختيارة الجن ........... وأكلا .
وفي نفس اللحظة انفتح باب المصعد وظهرت ليلى وقد سمعت ولاويل وعياط جاي من البيت .. وباب نصه مفتوح فنطت نطت لجوا البيت وشافت الذئب بعدما اكل الجدة المسكينة ... فخاطبها الذئب مستهزئا : اشوف ورجيني شو بدك تعملي يا مسخة هلق ...هههههههههه وردت عليه ليلى وقد تطاير الشرر من عينيها : طيب انا اللي بورجيك واستلت ليلى من تحت البلوزة على خصرها موس كباس ابو 3 نجوم بطول 20 سم وشرحت الذئب به وقطعت اوصاله حتى خرجت نانتها من بطن الذئب ..
وهنا كانت المفاجأة حين صرخت ليلى : ناناااااااااااااااااااااااا ...
وليييييييييييي انتي مش نانتي !!!! منو انتي وشو عم بتساوي هون ؟؟

واجابت العجوز بدهشة : عرفتك ... مو انتي ليلى بنت بنت جارتي ام عبدو اللي بالطابق الرابع ؟
فأجابت ليلى متسائلة : ليش انا بأيا طابق ؟
وردت العجوز : هاد الطابق التالت ... بس الاصنصور في مشكلة وبدل ما يطلع عالطابق الرابع بيوقف بالطابق التالت ...
فأجابت ليلى معتذرة : يييييه عدم اللامؤاخذه حجة ... بس ما اكون ازعجتك ... مزبوط انا ليلى وجاية عند نانتي ... بس معناتا كل الحق عالاصنصور ... طنيب عليكي لا تواخذيني يا حجة .. وهلق بنظفلك البيت وبخليه متل البفتة .
وقامت ليلى بتنظيف البيت من جثة ودماء الذئب ووضعتها في كيس الزبالة وشلفتو من البلكون .
وثم اخذت ليلى سلتها ودخلت المصعد متوجهة الى بيت نانتها وتوتة توتة خلصت الحدوتة ....
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://friend.lolbb.com
MayOoOs
عضو
avatar

انثى
عدد الرسائل : 46
العمر : 27
تاريخ التسجيل : 09/02/2008

مُساهمةموضوع: رد: ليلى والذئب باللهجة النابلسية   الثلاثاء فبراير 19, 2008 8:12 pm

hhhhhhhhhhhhh..7lwh 5sosn pl nablse hhhhhhhhhhhh
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ليلى والذئب باللهجة النابلسية
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى شباب جبل النار :: منتدى القصص والحكايات-
انتقل الى: